Нийтийн тээврийн бодлогын газар зорчигчдын хүсэлтээр Улаанбаатар-Багануур чиглэлд явдаг нийтийн тээврийн автобусны цагийн хуваарийг өөрчилж, 6-р сарын 3-наас эхлэн, хамгийн эхний автобус өглөө 06:30, хамгийн сүүлчийн автобусыг орой 19:50 цагт нэмж явуулж байна. Өмнө нь тус чиглэлд эхний автобус 08:30 цагаас хөдөлдөг байжээ.
Энэ оны 4 дүгээр сараас эхлэн, Багануур-Улаанбаатар чиглэлд ZK6117Н загварын 45 хүний суудалтай 2 шинэ автобусаар үйлчилж байна. Энэ хооронд автобусанд том хүн 10 мянга, хүүхэд 5000 төгрөг төлж зорчдог.
Автобусны чиглэл: Х:17 Улаанбаатар хотын “Тэнгэр плаза”-Багануурын “Хэрлэн” худалдааны төв
Зогсоолууд:
- Тэнгэр плаза
- Баянзүрхийн шалган нэвтрүүлэх товчоо
- Налайхын дунд 2
- Налайхын дунд 1
- Эрдэнэ сум
- Баяндэлгэр сум
- Багануур 2-р хороо, Хэрлэн худалдааны төв, 25-р байрны зогсоол, Ахиц 2-р зогсоол, Жаргалант 2-р зогсоол, Жаргалант 1-р зогсоол, Жаргалантын эцсийн зогсоол, Байдлаг 1-р зогсоол, Эрин сургууль, Тогос-Уул 1-р зогсоол, Тогос-Уул.