Монгол Улсын 34 дэх Ерөнхий сайд Гомбожавын Занданшатар Засгийн газрын тамгаа өнөөдөр гардаж авлаа. Монгол Улсын 33 дахь Ерөнхий сайд Л. Оюун-Эрдэнэ түүнд тамга гардуулан өгөхдөө Монгол Улсын хөгжлийн төлөөх их үйлсэд нь амжилт ерөөгөөд “Алсын хараа 2050” урт хугацааны хөгжлийн бодлогыг үргэлжлүүлэн ажиллахыг хүслээ.

Монгол Улсын шинэ Ерөнхий сайд Г.Занданшатар “Алсын хараа”, “Шинэ сэргэлтийн бодлого” болон хөгжлийн мега төслүүдийг амжилттай хэрэгжүүлж, Монголын түүхэнд үлдэх эрхэм гавьяа байгуулсныг онцлоод, Ерөнхий сайд асан Л.Оюун-Эрдэнэд цаашдын ажил үйлсэд нь амжилт хүслээ.