“My voice” шоунаас урлагийн гараагаа эхлүүлж уянгалаг, хүчирхэг хоолой, өөрийн гэсэн өвөрмөц төрх, хэв маягаараа олны танил болсон дуучин Ч.Мишээл Соёл Урлагийн их сургуульд “уртын дуу”-ны мэргэжлээр суралцаж төгсчээ.

Тэрээр энэ тухайгаа “Монгол өв соёлыг тээж, түүгээр суралцана гэдэг ямар гайхалтай гээч. Цаашдаа ч суралцсаар байх их итгэл, хүслийг өгсөнд маш их талархаж байна” гэжээ.

Түүний хувьд МУГЖ С.Цогтсайханы удирдлага дор суралцаж ийн дипломоо гардан авсан байна. Төгссөн хэдий ч есдүгээр сараас ахиад багш дээрээ очиж, нэмж их дуу сурна хэмээн өөрийн цахим хуудаснаа бичжээ.